Macarıstanın baş naziri Viktor Orban bəyan edib ki, Qərbi Avropanın Ukraynadakı münaqişəyə münasibəti dəyişir.
1xeber.media xəbər verir ki, O, bu barədə sosial şəbəkədə yazıb.
"Bu arada Qərbi Avropada böyük yalan dağıdılır: bu müharibənin maliyyələşdirilməsi həqiqətən də maliyyə xərcləri ilə bağlıdır. Qanun layihələri təqdim olunduqca ictimai rəy dəyişir", - Orban qeyd edib.
O əlavə edib ki, Avropanın genişmiqyaslı müharibəyə cəlb olunmasının qarşısını siyasi elita yox, xalq ala bilər. Baş nazirin sözlərinə görə, ABŞ və Rusiya arasında danışıqlar Ukraynanın iştirakı ilə atəşkəs və davamlı sülh üçün əsas yarada bilər.
Daha əvvəl Orban bəyan etmişdi ki, Avropa İttifaqının (Aİ) mövqeyinə baxmayaraq, Rusiya və ABŞ arasında Ukrayna üzrə danışıqlar uğurlu ola bilər. Macarıstanın baş naziri əlavə edib ki, Ukrayna tərəfinin iştirakı ilə atəşkəsə, nəhayət, daha davamlı sülhə nail olmaq olar. Orban belə bir nəticənin mütləq olduğunu vurğuladı.
