Belarus hakimiyyəti zərurət yaranarsa, ölkədə yerləşdirilən Rusiyanın “Oreşnik” raket sisteminin hədəflərini müstəqil şəkildə müəyyənləşdirəcək.
1xeber.media xəbər verir ki, bunu Belarusun müdafiə naziri Viktor Xrenin CGTN telekanalına müsahibəsində deyib.
"Belarus prezidentinin sözlərinə görə, Minsk hədəfləri müstəqil müəyyənləşdirəcək, Moskva isə hipersəs raketinin istismarına kömək edəcək", - müsahibədə deyilir.
Bundan əvvəl Belarus prezidenti Aleksandr Lukaşenko Rusiyanın “Oreşnik” orta mənzilli ballistik raket kompleksinin dekabrın 17-də ölkədə yerləşdirildiyini və artıq döyüş xəbərdarlığı statusunu aldığını bəyan edib. Belarusda ümumilikdə 10-a qədər raket sistemi yerləşdiriləcək.
