Türkiyə ilə Ermənistan arasında sərhədin yenidən açılması ilə bağlı iddialar yenidən gündəmə gəlib.
1xeber.media xarici KİV-ə istinadən xəbər verir ki, Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıç tərəfindən İrəvana təqdim edilən rəsmi sənəddə sərhədin 1 yanvar 2026-cı ildə açılmasının planlaşdırıldığı bildirilir.
Sözügedən sənəddə iddia edilir ki, ilkin mərhələdə keçidlər yalnız üçüncü ölkə vətəndaşları və diplomatik pasport sahibləri ilə məhdudlaşdırılacaq. Sənəddə Gürcüstandan Ermənistana yük daşınması üçün tranzit təklifi də yer alır.
Qeyd edək ki, Türkiyə ilə Ermənistan arasında sərhədlər 1993-cü ildən bağlıdır.
