“Qəbələ” qış fasiləsində ilk transferini reallaşdırıb.
1xeber.media xəbər verir ki, bu barədə “Qəbələ” FK məlumat yayıb.
Bildirilib ki, seneqallı mərkəz müdafiəçisi Seydina Keyta ilə 6 ay +1 illik müqavilə imzalanıb.
Onun son klubu “Panevejis” (Litva) olub.
Keyta buna qədər “Al Tadamon” (Küveyt), “Liepaya” (Latviya), “Mölde” (Norveç) və “Diambars” (Seneqal) komandalarının şərəfini qoruyub.
Qeyd edək ki, Keyta “Qəbələ”də 33 nömrəli formada çıxış edəcək.
