Əmək və əhalinin sosial müdafiəsi naziri Anar Əliyev xələfi, hazırda maliyyə naziri olan Sahil Babayevin daha bir kadrını işdən çıxarıb.
1xeber.media xəbər verir ki, A.Əliyevin əmri ilə nazirliyin tabeliyindəki Dövlət Məşğulluq Agentliyinin İdarə Heyətinin sədri Sadiq Əliyev vəzifəsindən azad edilib.
Sözügedən posta Hasil Abbasov gətirilib.
Qeyd edək ki, S.Əliyev 2024-cü il may ayının 29-da o zaman əmək və əhalinin sosial müdafiəsi naziri olan Sahil Babayevin müvafiq əmri ilə vəzifəyə təyin olunmuşdu.
O, agentliyin direktoru postunda cəmi 19 ay işləyib.
Xatırladaq ki, Prezident İlham Əliyevin 2025-ci il fevral ayının 6-da imzaladığı sərəncamla Sahil Babayev əmək və əhalinin sosial müdafiəsi naziri vəzifəsindən azad olunub və maliyyə naziri təyin edilib.
Dövlət başçısı həmin ilin fevralın 7-də Anar Əliyevi əmək və əhalinin sosial müdafiəsi naziri təyin edib.
