ABŞ prezidenti Donald Tramp Rusiya lideri Vladimir Putinin "Venesuela üslubunda" tutulma ehtimalı ilə bağlı sualı cavablandırıb.
1xeber.media xəbər verir ki, Ağ Evdə jurnalistlərin sualına cavabında Tramp belə bir addımın zəruri olduğuna inanmadığını bildirib.
"Düşünmürəm ki, bu, lazım olacaq. Bizim onunla həmişə əla münasibətlərimiz olub. Çox məyus oldum. Mən 8 müharibəni həll etmişəm. Düşünürdüm ki, Rusiya-Ukrayna münaqişəsi həlli ən asan müharibələrdən biri olacaq. Son bir ayda 31.000 insan itiriblər, onların çoxu rus əsgərləridir və Rusiya iqtisadiyyatı ağır vəziyyətdədir. Düşünürəm ki, nəhayət ki, bu məsələni həll edəcəyik", - deyə Donald Tramp qeyd edib.
