1979-cu ildə İranda devrilmiş şahın oğlu Rza Pəhləvi İran üçün hakimiyyətin keçidi planının hazırlandığını açıqlayıb.
1xeber.media xəbər verir ki, Rza Pəhləvi bunu İtaliyanın “Corriere della Sera” qəzetinə müsahibəsində deyib.
Pəhləvinin sözlərinə görə, “Iran Prosperity Project” (İran Tərəqqi Layihəsi) adlı plan bir neçə mərhələdən ibarətdir və onun hazırlanmasında ölkə daxilindən və xaricdən 100-dən çox ekspert iştirak edib.
Layihəyə əsasən, birinci mərhələ 180 gün müddətinə fövqəladə vəziyyətin elan edilməsini nəzərdə tutur. Bu müddət ərzində xidmətlərin fasiləsiz göstərilməsi və təhlükəsizliyin təmin edilməsi planlaşdırılır.
Daha sonra sabitləşmə mərhələsi gəlir ki, burada əsas xidmətlərin göstərilməsi və ölkədə stabilliyin təmin olunması nəzərdə tutulub. Üçüncü mərhələ isə milli seçkilərin keçirilməsidir.
Rza Pəhləvi bildirib ki, “Bizim artıq planımız var və buna illərdir hazırlaşırdıq. Bu layihə mənim rəhbərliyim altında hazırlanıb və İranın iqtisadi bərpası və beynəlxalq ictimaiyyətə reinteqrasiyası üçün yol xəritəsini təqdim edir”.
