1xeber.media xəbər verir ki, Vaşinqton Qrenlandiyanı ələ keçirmək və sadəcə adanı "təslim etmək" qərarına gələrsə, Avropanın ABŞ-a qarşı çıxmaq üçün heç bir yolu qalmayacaq. Bu fikri Rusiya Təhlükəsizlik Şurasının sədr müavini Dmitri Medvedev X sosial şəbəkəsində bildirib.
"Qalliya xoruzu banlayıb ki, Danimarkanın suverenliyi pozularsa, nəticələr misli görünməmiş olacaq. Görəsən nə olacaq? ABŞ prezidentini qaçıracaqlar? Müttəfiqə nüvə zərbəsi endirəcəklər? Əlbəttə ki, yox. Onlar sadəcə Qrenlandiyanı təslim edəcəklər", - deyə Medvedev Fransa prezidenti Emmanuel Makronun Avropanın mümkün ABŞ təcavüzünə cavabı ilə bağlı açıqlamasına cavab olaraq yazıb.
O, həmçinin belə bir ssenarinin əla Avropa presedenti yaradacağını vurğulayıb.
Danimarkanın müdafiə naziri Troels Lund Poulsen daha əvvəl Danimarkanın Qrenlandiyadakı hərbi mövcudluğunun artırılacağını, ABŞ-ın əraziyə hücumunun isə ehtimal olunmadığını bildirmişdi.
