Xəbər verdiyimiz kimi, Azər Bayramov iqtisadiyyat nazirinin müavini təyin edilib.
1xeber.media xəbər verir ki, bu barədə Prezident İlham Əliyev Sərəncam imzalayıb.
Xatırladaq ki, A.Bayramov bundan öncə maliyyə nazirinin müavini olub.
Qeyd edək ki, Azər Bayramov xarici işlər naziri Ceyhun Bayramovun qardaşıdır.
Azər Bayramovun dosyesini təqdim edirik:
O, əslən Gədəbəyin Nərimankənd kəndindəndir. 1 fevral 1970-ci ildə Bakı şəhərində anadan olub.
1990-cı ildə N.Voznesenski adına Leninqrad Maliyyə — İqtisad İnstitutunun Bakı filialını bitirərək iqtisadçı ixtisasını alıb. 2000-ci ildə M. Rəsulzadə adına Bakı Dövlət Universitetinin "Hüquq" fakültəsini bitirib.
Ailəlidir, iki övladı var.
Azərbaycanın 7-ci xarici işlər naziri Ceyhun Bayramovun qardaşıdır.
Əmək fəaliyyətinə 1990-cı ildə Maliyyə Nazirliyinin Baş Dövlət Vergi Müfəttişliyində dövlət vergi müfəttişi kimi başlayıb.
1992―1996-cı illərdə Baş Dövlət Vergi Müfəttişliyinin "Beynəlxalq vergiqoyma", 1997―1999-cu illərdə isə "İri vergi ödəyiciləri ilə iş üzrə" idarələrinin rəisi olub.
2000―2004-cü illərdə Azərbaycan Respublikası Maliyyə Nazirliyinin Vergi Siyasəti və Gəlirlər Baş İdarəsinin rəisi vəzifəsində çalışıb.
2004-cü ilin fevral ayında Azərbaycan Respublikası Maliyyə nazirinin müavini vəzifəsinə təyin olunub.
Azərbaycan Respublikası Nazirlər Kabinetinin sərəncamı ilə 2004-cü ildən büdcə gəlirlərinin proqnozlaşdırılması üzrə komissiyanın sədridir.
6 iyun 2022-ci ildə Azərbaycan Respublikasının Prezidenti İlham Əliyev tərəfindən Azərbaycan Respublikasında dövlət qulluğunda səmərəli fəaliyyətinə görə 3-cü dərəcəli "Vətənə xidmətə görə" ordeni ilə təltif edilib.
