1xeber.media xəbər verir ki, Almaniya Rusiyanın "kölgə donanmasının" bir hissəsi olduğu düşünülən Tavian neft tankerinin öz sularına girişinə icazə verməyib.
Hadisə 10 yanvarda baş verib. Tanker Şimal dənizində və Baltik dənizinə doğru gedərkən Almaniya federal polis helikopteri yaxınlaşıb. Gəminin Almaniya ərazi sularına girməsinə icazə verilməyib, bundan sonra tankerin istiqamətini dəyişib.
Gəminin saxta bayraq altında hərəkət etdiyi və identifikasiya nömrəsinin saxta olduğu qeyd olunur. Hesabatda deyilir ki, Almaniya hakimiyyəti bu cür tankerləri "zombi gəmiləri" adlandırır.
Bir müddət əvvəl "The Times" qəzeti Britaniya hakimiyyətinin Rusiyanın sözdə "kölgə donanması" ilə əlaqəli tankerlərin ələ keçirilməsi və saxlanılması üçün qanuni əsaslar tapdığını bildirmişdi.
