ABŞ Prezidenti Donald Trampın Qrenlandiya məsələsinə görə NATO-nun səkkiz ölkəsinə qarşı yeni gömrük rüsumları tətbiq edəcəyi ilə bağlı hədələri transatlantik əlaqələrə zərbə vurur və gərginliyin artmasına (eskalasiyaya) səbəb ola bilər.
1xeber.media Teleqraf-aistinadən xəbər verir ki, bu barədə Böyük Britaniya, Almaniya, Danimarka, Niderland, Norveç, Finlandiya, Fransa və İsveçin birgə bəy anatında deyilir.
Sənədi Almaniya hökumətinin mətbuat xidməti yayıb.
"Biz Danimarka Krallığı və Qrenlandiya əhalisi ilə tam həmrəyliyimizi ifadə edirik. Ötən həftə başlayan prosesə istinad edərək, suverenlik və ərazi bütövlüyü prinsipləri əsasında dialoqa başlamağa hazırıq. Biz bu prinsipləri qətiyyətlə müdafiə edirik", - deyə sənəddə vurğulanıb.
Bəyanatda qeyd olunub ki, rüsumların tətbiqi ilə bağlı hədələr münasibətləri pozmaqla yanaşı, ciddi risklər daşıyır:
"Biz bundan sonra da vahid cəbhə kimi və razılaşdırılmış şəkildə cavab verəcəyik. Suverenliyimizi qorumaqda qərarlıyıq".
Sənəddə həmçinin Arktikada təhlükəsizliyin təmin edilməsinin NATO-nun ümumi vəzifəsi olduğu diqqətə çatdırılıb. Qeyd edilib ki, Danimarkanın koordinatorluğu ilə keçirilən "Arctic Endurance" təlimləri heç bir tərəf üçün təhlükə törətmir.
Xatırladaq ki, daha əvvəl D.Tramp ABŞ-ın Qrenlandiyanı "tam və birdəfəlik əldə etməsi" barədə razılaşma əldə olunana qədər adıçəkilən səkkiz ölkədən 10% həcmində idxal rüsumu tutulacağını bəyan etmişdi.
