22 yanvar 2026-cı il tarixində Mərdəkan qəsəbə ağsaqqalı Əliyev Elman Balakişi oğlunun 90 illik yubileyi qeyd edilmişdir.
1xeber.media xəbər verir ki,tədbirdə Xəzər Rayon İcra Hakimiyyəti başçısı cənab Elşən Salahov, RİH başçısının müavini – Ərazi-təşkilat və ictimai-siyasi məsələlər şöbəsinin müdiri Lalə Əhmədova, RİH Aparatının əməkdaşları, qəsəbə ağsaqqalları, ictimaiyyətin nümayəndələri iştirak etmişdir.
Yığıncaqda RİH başçısı E.Salahov yubilyarın uzunmüddətli ictimai fəaliyyətini, gənc nəslin vətənpərvərlik ruhunda tərbiyəsində göstərdiyi xidmətləri xüsusi vurğulayaraq onu Fəxri Fərmanla təltif etmişdir.
Sonda Elman Əliyev qəsəbə ağsaqqalları adından Mərdəkan qəsəbəsinin sosial-iqtisadi inkişafında həyata keçirilən abadlıq-quruculuq işlərinə göstərdiyi diqqət və qayğıya görə ölkə başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirmişdir.
