Avstraliya rekord qıran istilərə məruz qalıb.
1xeber.media “Sky News”a istinadən xəbər verir ki, ölkədə havanın temperaturu 50 dərəcəyə yaxın olub.
Yerli meteoroloqlar bildiriblər ki, Viktoriya ştatının bir neçə şəhərində temperatur 48,9 dərəcəyə çatıb. Əgər təsdiqlənsə, bu, region üçün rekord həddə çatacaq.
Həddindən artıq yüksək temperatur fonunda Avstraliya hökuməti ölkə daxilində meşə yanğınları riskinin artacağı barədə xəbərdarlıq edib. Hazırda Avstraliya açıq tennis turnirinin davam etdiyi Melburnda da rekorda yaxın istilik dalğaları qeydə alınıb.
