Amerikalı milyarder İlon Mask “Telegram”ın qurucusu Pavel Durovun “WhatsApp”ın təhlükəsizliyi ilə bağlı kəskin tənqidlərinə dəstək verərək, sözügedən messencerin istifadəçilər üçün ciddi risk yaratdığı fikri ilə razılaşıb.
1xeber.media xəbər verir ki, İlon Mask bu iddialara “Düzdür” cavabını verərək, “WhatsApp”ın təhlükəsiz olmadığını, hətta “Signal”ın belə etibarlılığının şübhə doğurduğunu bildirib.
Mask alternativ olaraq özünün tam şifrələnmiş “X Chat” platformasından istifadəni tövsiyə edib.
Xatırladaq ki, P. Durov “X” sosial şəbəkəsində etdiyi paylaşımda “WhatsApp”ın şifrələmə sistemində çoxsaylı hücum vektorları aşkar etdiklərini bildirmişdi. O, 2026-cı ildə hələ də bu tətbiqin təhlükəsiz olduğuna inananları “ağılsız” adlandıraraq, platformanın iddia etdiyi gizliliyin reallığı əks etdirmədiyini vurğulayıb.
