1xeber.media xəbər verir ki, Rusiya Silahlı Qüvvələri Baş Qərargahının Baş İdarəsinin rəisi və Əbu-Dabidə keçirilən Rusiya-ABŞ-Ukrayna danışıqlarında Rusiya nümayəndə heyətinin rəhbəri İqor Kostyukov ABŞ nümayəndələrinin iştirak etmədiyi görüş zamanı yarana biləcək çətinliklərlə bağlı suala cavab verib.
"Nə vaxt asan olub?" deyə o soruşub.
Bir müddət əvvəl ABŞ dövlət katibi Marko Rubio ABŞ prezidenti Donald Trampın xüsusi elçisi Stiv Vitkov və Amerika liderinin kürəkəni Cared Kuşnerin Ukrayna münaqişəsinin həlli ilə bağlı növbəti danışıqlar raundunda iştirak etməyəcəyini açıqlayıb.
Daha əvvəl Rusiya prezidentinin mətbuat katibi Dmitri Peskov növbəti görüşün ilkin olaraq 1 fevralda Əbu-Dabidə keçiriləcəyini açıqlayıb.
