Norveç kral ailəsində uzun müddətdir davam edən təcavüz və zorakılıq qalmaqalı növbəti həbslə pik həddə çatıb.
1xeber.media xəbər verir ki, Norveç Vəliəhd Şahzadəsi Mette-Maritin oğlu Marius Borq Hoybi sabah başlayacaq məhkəmə prosesi ərəfəsində paytaxt Osloda yenidən saxlanılıb.
O, bu dəfə fiziki hücum, bıçaqla təhdid və məhkəmə qadağalarını pozmaqda ittiham olunur. Ümumilikdə 38 fərqli cinayət maddəsi, o cümlədən 4 təcavüz faktı üzrə mühakimə olunacaq Hoybini 16 ilə qədər həbs cəzası gözləyir.
Qeyd edək ki, eyni zamanda, ABŞ-də açılan yeni Epşteyn dosyesində Şahzadə Mette-Maritlə bağlı da maraqlı detallar üzə çıxıb. Sənədlərdə Şahzadənin milyarder Ceffri Epşteynlə yüzlərlə e-poçt yazışması, onun malikanəsində günlərlə qonaq qalması və hətta bir dövr ondan hamilə qalmasına dair iddialar yer alıb.
Qeyd edək ki, yazışmalarda Mette-Maritin Epşteynə “çılğın dostum” deyə müraciət etdiyi, onun cinayət keçmişindən xəbərdar olmasına rəğmən əlaqəni kəsmədiyi və Paris şəhərini “xəyanət üçün ən yaxşı yer” kimi xarakterizə etdiyi məlum olub. Şahzadə bu əlaqələrə görə peşmanlığını bildirsə də, həm oğlu barəsindəki ittihamlar, həm də özünün qalmaqallı keçmişi Norveç monarxiyası üçün son onilliklərin ən böyük imic zərbəsi hesab olunur.
