Leyla Əliyeva instaqram səhifəsində yeni şeirini paylaşıb.
1xeber.media həmin şeiri təqdim edir:
Dəyər ver insana, sev onunla hər anı,
Ayrılanda elə bil bir də görməyəcəksən
Sev gülüşü, qorxunu, göz yaşını, şübhəni,
Sev yanında olan zamanını böləni !
Bu müqəddəs gecədə yuxum çəkilib dara
Dünən də belə idi- yuxu hara, mən hara…
Bacardım həyatda sonsuz sevməyi -
Gecəni, gündüzü, xoş gələcək.
Sevimli anları əbədi yaşat
Yaşamaq istəsən bir andır həyat
Sevgiyə aparan əbədi yolda
Hər kəsi qəlbinlə duy, yaşa, anla !
Sev Tanrı yaradan o insanlar
Ağacı, günəşi, çölü, çayları !
Hər kəsin öz payı, öz qisməti var
Ancaq bir- görünüş görünüşlər!
Gözünü qırpmadan insan naminə
Sən ona dünyanı ərməğan eylə
Günahlar çox olar, atma üçünə
Sevinci, həyatı başa tac eylə!
Bilsən necə darıxıram səninçün
Hərdən öz-özümə çaşıb-qalıram:
Parlaq həyatında düz seçim üçün
Sənə güvənirəm, arxalanıram !
Ucalıb görüncə ayın üzünü,
Zülmət qaranlıqdan nura bələndim.
Sənin gözlərində tapıb özümü
İnsanı sevməyi səndən öyrəndim!
Şeir: Leyla Əliyeva
