Füzuli Rayon İcra Hakimiyyətinin (RİH) başçısının müavini – Ərazi-təşkilat və ictimai-siyasi məsələləri şöbəsinin müdiri Gülbahar Eyvazova vəzifəsindən azad edilib.
1xeber.media iqtisadiyyat.az-a istinadla xəbər verir ki, bununla bağlı icra başçısı Alı Alıyev müvafiq əmr imzalayıb.
Xatırladaq ki, G.Eyvazova ötən ay işdən çıxması ilə bağlı istefa ərizəsi yazıb. Ərizənin yazılmasına səbəb onun həyat yoldaşı Habil Eyvazovun sərxoş halda "Tiktok”da canlı yayım açaraq qeyri-etik ifadələr səsləndirməsi olub.
