1xeber.media xəbər verir ki, Rusiya Təhlükəsizlik Şurasının sədr müavini Dmitri Medvedev ingilisdilli X sosial media hesabında Strateji Silahların Azaldılması Müqaviləsinin (START, START III) müddətinin bitməsinə "Taxt Oyunları"ndan bir şəkil və ifadə ilə cavab verdi.
O, "Gecə Kralının" şəklini və "Qış gəlir" sözlərini paylaşdı.
"Budur! 1972-ci ildən bəri ilk dəfə Rusiya (keçmiş SSRİ) və ABŞ arasında strateji nüvə qüvvələrinin məhdudlaşdırılması ilə bağlı heç bir razılaşma yoxdur. SALT I, SALT II, START I, START II, SOR, START III — hamısı keçmişdə qalıb", - deyə o, Vaşinqtonla əvvəlki silah müqavilələrini sadalayaraq yazıb.
Daha əvvəl Rusiya Xarici İşlər Nazirliyi Moskvanın START-in müddəti bitdikdən sonra potensial təhdidləri azaltmaq üçün qətiyyətli hərbi-texniki əks tədbirlər görməyə hazır olduğunu bildirmişdi.
22 sentyabr 2025-ci ildə Rusiya Prezidenti Vladimir Putin ABŞ-ın oxşar addım atacağı təqdirdə Rusiyanın 5 fevral 2026-cı ildən sonra Yeni START Müqaviləsinə könüllü olaraq əməl etməyə hazır olduğunu bildirmişdi.
