Ermənistan Atom Elektrik Stansiyasının istismar müddətinin 2046-cı ilə qədər uzadılması planlaşdırılır.
1xeber.media xəbər verir ki, bunu Ermənistanın Baş naziri Nikol Paşinyan deyib.
O qeyd edib ki, stansiyanın istismar müddətinin 2036-cı ilə qədər uzadılmasından sonra əlavə 10 illik uzadılma 2046-cı ilə qədər planlaşdırılır.
Paşinyan qeyd edib ki, bu müddət ərzində yeni atom elektrik stansiyasının tikintisi ilə bağlı qərar qəbul edilməlidir.
Qeyd edək ki, 2023-cü ildə "Rosatom Service" və Ermənistan Atom Elektrik Stansiyası QSC stansiyanın istismar müddətinin 2036-cı ilə qədər uzadılması barədə müqavilə imzalayıblar. Hazırda əlavə uzadılma üzrə işlər davam edir.
