Bir neçə matçdır Səudiyyə Ərəbistanı çempionatını boykot edən Portuqaliyalı ulduz Kriştiano Ronaldo “Əl-Nəsr”in düşərgəsinə qayıdıb.
1xeber.media xəbər verir ki, o, çempionatın 22-ci turunda sabah “Əl-Fateh”lə keçiriləcək oyunda iştirak edəcək.
Daha əvvəl Ronaldo Səudiyyə çempionatında “Əl-Riyad” və “Əl-İttihaad”a qarşı oyunları, həmçinin Asiya Çempionlar Liqasında “Arkadag”la oyunu buraxmışdı.
Xatırladaq ki, Ronaldo Suveren Fondu (PIF) tərəfindən “Əl-Nəsr”in rəqiblərlə müqayisədə idarə edilməsindən narazıdır və hesab edir ki, klub çempionluq uğrunda mübarizədə əngəllərlə üzləşir. Ronaldo həmçinin Kərim Benzemanın “Əl-Hilal”a keçməsinə qarşı çıxıb, bunu “rəqabətə zərər vurmaq” kimi qiymətləndirib.
