"Falcon 9" daşıyıcı raketi "Starlink" sisteminin qlobal internet şəbəkəsinin orbit qrupunu yeniləmək üçün 24 mini-peyki orbitə çıxarıb.
1xeber.media xəbər verir ki, bu barədə "SpaceX" şirkəti məlumat yayıb.
Bu, ilin əvvəlindən "Starlink" aparatlarının 13-cü buraxılışıdır. Raket Kaliforniyadakı Vandenberq ABŞ Kosmik Qüvvələr bazasında yerləşən SLC-4E buraxılış meydançasından buraxılıb.
Daşıyıcı raketin ilk pilləsi Sakit okeanda "Of Course I Still Love You" dəniz platformasına idarəolunan şaquli eniş edib.
Qeyd edək ki, 2019-cu ilin may ayından etibarən "SpaceX" şirkəti "Starlink" layihəsi çərçivəsində 11.1 mindən çox belə peyk buraxıb. Onların bir hissəsi fəaliyyətini dayandırıb və ya orbitdən çıxıb. 9.6 mindən çox aparat orbitdə işlək vəziyyətdədir.
Hal-hazırda "Starlink" şəbəkəsi dünyanın 160 ölkə və ərazisini əhatə edir.
