Ukrayna Aİ üzv dövlətlərinə hörmətsizlik edir.
1xeber.media xəbər verir ki, bu açıqlamanı Slovakiyanın Baş naziri Robert Fiko verib.
"Ukrayna Aİ üzv dövlətlərinə hörmətsizlik edir", - deyə siyasətçi bildirib.
Fiko Ukrayna prezidenti Volodimir Zelenskiyə xatırladıb ki, Aİ-yə qoşulmaq üçün bütün Aİ üzv dövlətlərinin razılığı tələb olunur. O, Kiyevin Aİ üzvlük planlarını yalnız Ukrayna namizəd ölkələr üçün bütün tələblərə əməl etdiyi təqdirdə dəstəkləyəcəyini vurğulayıb.
Fiko əvvəllər Zelenskiylə Drujba neft kəməri ilə bağlı vəziyyəti müzakirə etməyə çalışdığını, lakin Kiyevin söhbəti təxirə saldığını bildirib. O, həmçinin qeyd edib ki, Slovakiyanın məlumatına görə, kəmər işlək vəziyyətdədir, lakin Ukrayna tərəfi Slovakiya səfirinin infrastrukturun zədələnmiş hissəsinə baş çəkməsinə icazə verməyib.
