Xəbər verdiyimiz kimi, bir sıra verilişlərin bağlanması və bəzi müğənnilərə qadağa qoyulmasından sonra Azərbaycanda televiziya efir məkanında ciddi dəyişikliklər baş verib. Efirə daha çox sənəti, səsi və efir etikası ilə seçilən şəxslər dəvət olunur. Bu da Azərbaycan teleməkanına əlavə gözəllik qatmaqla yanaşı, tamaşaçıların zövqünü oxşayır. Verilişlərdə baş verən dəyişikliklər cəmiyyət tərəfindən təqdir olunur.
1xeber.media xəbər verir ki, Manset.az-ın əldə etdiyi məlumata görə, baş verən hadisələr fonunda daha bir qrup müğənni və sənət adamına ciddi musiqini təbliğ etmədikləri, efir məsuliyyətinə diqqətsiz yanaşdıqları üçün efir qadağası qoyulub:
Vəfa Şərifova
Təranə Qumral
Musa Musayev
Pərvin Abıyeva
Əli Mirəliyev
Aytac Vidadi qızı
Meyxanaçı Samirə
Fərəh Samirəqızı
Ayan Babakişiyeva
Müjgan Ayxan
Aşıq Mübariz
Türkan Vəlizadə
Aytac Tovuzlu
Yaşar Qafanlı
Afaq Aslan
Sevil İsgəndərli
Elşən Xəzər
Elit star Cəmilə
Rəqqasə Aygün
Müğənni Luna
Arzu Abdulova
İsrail Məmmədov
Günel Ələkbərova (“Pişik Günel”)
Səma Abdullayeva
Səbinə Abdullayeva
Firuzə Babayeva
Arzuxanım Həsənova
Aygül Səfərova
Niqa Yılmaz
Meydan Əsgərov
Manset.az xəbər portalının “Audiovizual Şurada televiziyaların məsul şəxsləri ilə keçirilən görüşdə hansı tapşırıqlar verilib?” sorğusuna Şura belə cavab verib:
“Ümumölkə yerüstü və peyk yayımında olan televiziya kanallarının (redaksiyalarının) məsul şəxsləri ilə görüşdə Azərbaycan Respublikasının qanunvericiliyinə, cəmiyyətin həyatında mühüm əhəmiyyətə malik istiqamətlər üzrə qəbul olunmuş məqsədli dövlət proqramlarına, strategiya və fəaliyyət planlarına uyğun olaraq televiziya yayımçılarının üzərinə düşən vəzifələr və onların icrasına dair məsələlər diqqətə çatdırılmışdır”.
