1xeber.media The Washington Post -a istinadla xəbər verir ki, ABŞ və İsrailin İrana qarşı həyata keçirdiyi hərbi əməliyyatların iqtisadi nəticələri Avropa və Asiya ölkələri üçün daha ağır olur.
Məqalədə vurğulanır ki, iqtisadi zərər yalnız Hörmüz boğazından keçən neft və qaz tədarükü ilə məhdudlaşmır.
Bildirilir ki, münaqişə zonasındakı bir neçə beynəlxalq hava limanının, o cümlədən Dubay hava limanının bağlanması beynəlxalq yük aviasiyasının təxminən beşdə birinin dayanmasına səbəb olub. Bu isə məişət elektronikası, dərman preparatları və qiymətli metalların tədarükündə ciddi fasilələr yaradıb.
San-Fransiskoda yerləşən logistika şirkəti Flexport-un rəhbəri Petersonun sözlərinə görə, münaqişə başlayandan sonra Asiyadan Avropaya hava yük daşımalarının qiyməti 45 faiz artıb.
Onun məlumatına görə, Asiyadan ABŞ-a daşımaların qiyməti isə bunun təxminən iki dəfə az artıb.
Nəşr qeyd edir ki, müharibənin iqtisadi təsiri Avropa və Asiya ölkələrinə ABŞ-dan daha sürətli və daha güclü təsir göstərir.
The Washington Post-un qiymətləndirməsinə görə, hazırda ən ciddi nəticələri Belçika, Hindistan, İtaliya, Çin və Cənubi Koreya kimi iqtisadiyyatlar hiss edir. Bu ölkələr enerji tədarükündə Hörmüz boğazından keçən neft və qaz axınından daha çox asılıdırlar.
