Yaxın Şərqdə müharibə fonunda bəzi sahiblər sağlam ev heyvanlarını inyeksiya ilə öldürtməyə başlayıblar.
1xeber.media xəbər verir ki,Metro nəşrinin yazdığına görə, Dubaydakı baytarlıq klinikaları son günlər sağlam heyvanların inyeksiya vasitəsilə öldürülməsi ilə bağlı müraciətlərin kəskin artdığını bildirir.
Baytarların sözlərinə görə, bəzi sahiblər ölkəni tərk edərkən ev heyvanlarının daşınmasına vaxt və pul sərf etmək istəmirlər.
Məlumata görə, heyvan sığınacaqları artıq dolub. Könüllülər isə tərk edilmiş pişik və itlərlə bağlı yüzlərlə müraciət alırlar.
Sosial şəbəkələrdə qidasız və susuz vəziyyətdə qoyulmuş heyvanların, eləcə də sığınacaqların qapıları önündə qoyulmuş pişik balalarının görüntüləri yayılır.
Bildirilir ki, Oman istiqamətində ölkəni tərk etməyə çalışan bəzi insanlar sərhəddən heyvan keçirməyə qadağa qoyulduqdan sonra onları səhrada qoyub gediblər.
Heyvan hüquqları müdafiəçiləri bu cür davranışı kəskin şəkildə pisləyir və sahibləri ev heyvanlarını tərk etməməyə çağırırlar.
