İran uzunmüddətli münaqişəyə hazırlaşır və gələcəkdə Fars körfəzi ölkələrinə zərbələr endirməyi planlaşdırır.
1xeber.media xəbər verir ki, bunu CNN telekanalına açıqlamasında İranın Ali Liderinin Ofisinin xarici siyasət məsələləri üzrə müşaviri Kamal Xərrazi bildirib.
Onun sözlərinə görə, hazırda diplomatik həll üçün imkan görmür. Xərrazi ABŞ-nin keçmiş prezidenti Donald Trampın danışıqlar zamanı verdiyi vədlərə əməl etmədiyini iddia edib.
“Diplomatiya üçün yer görmürəm. Danışıqlar apararkən belə bizə hücum etdilər”, – deyə o qeyd edib.
Xərrazi bildirib ki, müharibənin dayandırılması üçün əsas amil iqtisadi təzyiqlər ola bilər. Onun sözlərinə görə, davam edən münaqişə qlobal miqyasda inflyasiya və enerji daşıyıcılarının qıtlığı kimi ciddi iqtisadi nəticələr yaradır.
“Əgər bu vəziyyət davam edərsə, digər ölkələr münaqişəyə müdaxilə etmək məcburiyyətində qalacaq”, – deyə o əlavə edib.
