İspaniyanın “Real Madrid” komandasının futbolçusu Rodriqo sağ ayağının ön çarpaz bağının qopması və diz qığırdağının zədəsi ilə əlaqədar əməliyyat olunub.
1xeber.media klubun rəsmi saytına istinadən xəbər verir ki, əməliyyat uğurlu alınıb. Braziliyalı hücumçunun yaxın günlərdə bərpa prosesinə başlayacağı bildirilib.
Xatırladaq ki, Rodriqo ötən həftə İspaniya La Liqasının XXVI turunun “Xetafe” ilə matçında (0:1) zədələnərək mövsümü vaxtından əvvəl başa vurub.
