1xeber.media xəbər verir ki, dekabrın 16-da Rusiya prezidenti Vladimir Putin Rusiya Müdafiə Nazirliyinin kollegiyasının genişləndirilmiş iclasında iştirak edib.
Dövlət başçısı idarənin nümayəndələri ilə Ukraynada xüsusi əməliyyatın keçirilməsi, Qərb ölkələri ilə qarşılıqlı fəaliyyət, Rusiya Federasiyası Silahlı Qüvvələrinin modernləşdirilməsi və s. məsələləri müzakirə edib. Putin Ukraynadakı xüsusi əməliyyatın gedişi haqqında
Müdafiə Nazirliyinin Kollegiya iclasında çıxışı zamanı Putin qeyd edib ki, 2024-cü il Ukraynada xüsusi hərbi əməliyyatın məqsədlərinə çatmaq üçün əlamətdar il olub.
“Əsgərlərimizin peşəkarlığı və cəsarəti, müdafiə müəssisələrinin qəhrəmanlıq əməyi və ordu və donanmanın həqiqətən xalq dəstəyi sayəsində Rusiya qoşunları bütün döyüş təmas xəttində strateji təşəbbüsü möhkəm saxlayır. Təkcə bu il 189 yaşayış məntəqəsi azad edilib”, - deyə dövlət başçısı vurğulayıb.
Cəbhə xəttində döyüşən bütün hərbi qulluqçulara, o cümlədən, mürəkkəbliyinə baxmayaraq, qarşıya qoyulan tapşırıqları dəqiqliklə yerinə yetirən Müdafiə Nazirliyinin, Milli Qvardiyanın, xüsusi təyinatlıların və digər təhlükəsizlik qüvvələrinin şəxsi heyətinə minnətdarlığını bildirdi.
Rusiya lideri, həmçinin həlak olan hərbçilərin xatirəsini bir dəqiqəlik sükutla yad edib.
