"Buna nə ad verək? Məsələn, artıq AYNA dilənçilik və soyğunçuluq üçün yeni məkanını bir neçə gündür ki, təsdiq və tətbiq etdi..."
1xeber.media xəbər verir ki, bunu özünün sosial şəbəkə hesabında tanınmış jurnalist Faiq Balabəyli qeyd edib.
O daha sonra bildirir: "Bura 8 noyabr prospektində, Gənclər parkına paralel olan ARAZ marketin qarşısıdır. Hər kəsə məlumdur ki, bu yaşayış binası tikiləndə elə lahiyələşdirilib ki, binanın qarşısında dayanan maşınların prospektə heç bir aidiyyatı olmasın. Yəni prospektdən kənar zolaq saxlanılıb. Həm də market 7/24 işlək olduğu üçün, az müddətə burada maşınlar dayanır (5- 10 dəqiqə), bazarlıq edilir. Marketin köhnə rəhbərliyindən bir nəfər mənimlə söhbətində deyirdi ki, maşınlar dayansın deyə, AYNA-ya hər ay müəyyən qədər bac-xərac verilir. Səbəb: onlar soyğunçuluq edib, müştəriləri didərgin salmasınlar. Görünür marketin rəhbərliyi AYNA rəhbərliyinin dilənçiliyindən, onların xəracı artırmaq üçün etdikləri iyrənc və korrupsiner cəhddən beziblər, anlaşma pozulub. Görəsən deyilənlər doğrudurmu?
Bu fotodakı maşın mənə məxsusdur. Dünən çörək alıb çıxmışam. Heç 5 dəqiqə çəkməyib. Həm də saat 17:00 qədər maşınların o ətrafdakı marketlərin, apteklərin, digər iaşə obyektlərinin qarşısında dayanma icazəsi var. Nəzərlərinə çatdırım: Adə, a kişi qırıqları, ay dilənçi və soyğunçular, mənim maşınım 16::42 də dayanıb.
Xahiş edirəm, gəlin bu soyğunçuluğa bir ad verəyin. Məsələn mən belə ad qoyuram: ACGÖZLƏR!.."
