ABŞ İrandakı “Talleqan-2” nüvə obyektinə ifrat ağır bombalar tətbiq etməklə zərbə endirib
1xeber.media xəbər verir ki,bu barədə TMZ məlumat yayıb.
İranın Parçin hərbi kompleksinin peyk görüntüləri, ekspertlərin ölkənin nüvə proqramı ilə əlaqələndirdiyi “Talleqan-2” obyektinə endirilən güclü hava zərbəsinin nəticələrini qeydə alıb. Təsvirlərin təhlili ehtimal etməyə əsas verir ki, hücum dərinlikdə yerləşən və möhkəmləndirilmiş hədəfləri məhv etmək üçün nəzərdə tutulan 13 tonluq GBU-57 nüfuzedici bombalarını tətbiq edən ABŞ-ın B-2 bombardmançı təyyarələri tərəfindən həyata keçirilib.
“Vantor” şirkəti tərəfindən yayımlanan şəkillərdə obyektin damına üç güclü və dəqiq sursatın isabət etdiyi görünür. Dağıntıların xarakteri ötən il Fordo və Nətənzdəki İran nüvə obyektlərinə endirilən zərbələrin nəticələri ilə bənzərlik təşkil edir. Son aylarda İran “Talleqan-2” kompleksini beton və torpaq qatı ilə əhəmiyyətli dərəcədə möhkəmləndirmişdi ki, bu da mütəxəssislərin fikrincə, xüsusi güclü sursatların tətbiqini tələb edə bilən amil olub.
