İran xarici işlər nazirinin müavini Məcid Təxt-Rəvançi Hörmüz boğazındakı vəziyyətlə bağlı şərh verib.
1xeber.media xəbər verir ki, onun sözləri Times of Israel qəzetindən sitat gətirilib.
Diplomat Tehranın Hörmüz boğazını minalamadığını vurğulayıb.
"Bəzi ölkələr artıq boğazdan keçidi bizimlə müzakirə ediblər və biz onların səylərini asanlaşdırmışıq... Təcavüzə qoşulan ölkələr Hörmüz boğazından təhlükəsiz keçiddən yararlanmamalıdır", - deyə o bildirib.
Lakin Təxt-Rəvançi hansı ölkələrdən danışdığını dəqiqləşdirməyib.
Bir müddət əvvəl İran Xarici İşlər Nazirliyinin sözçüsü İsmayıl Bəqayi gəmilərin Hörmüz boğazından keçməsi şərtlərini açıqlayıb. "Təhlükəsiz naviqasiyanı təmin etmək üçün gəmilər keçidlərini İran Hərbi Dəniz Qüvvələri ilə əlaqələndirməlidirlər", - deyə o bildirib.
