İranın Ali Milli Təhlükəsizlik Şurasının katibi Əli Laricani, xarici işlər naziri Abbas Araqçi və məhkəmə hakimiyyətinin rəhbəri Qolam-Hüseyn Möhseni-Ejeinin ailələrinin Omanın paytaxtı Maskat şəhərindəki otellərdə yaşadığı bildirilir. Bu barədə İran üzrə monitorinq aparan kanallar məlumat yayıb.
Məlumatlara görə, İrandan Türkiyənin Van sərhəd-keçid məntəqəsi vasitəsilə çıxmağı bacaran bəzi digər yüksək vəzifəli şəxslərin ailələri isə Maskatdakı İran səfirliyinə məxsus konspirativ mənzillərdə yerləşdirilib.
Bundan başqa bildirilir ki, fevralın 28-də İsrail və ABŞ-ın İrana endirdiyi raket zərbələri zamanı məhv edilən Müdafiə Şurasının artıq sabiq katibi Əli Şəmxaninin ailəsi uzun illərdir Omanda fəaliyyət göstərir.
Qeyd olunur ki, onların Maskatda ofisləri var və bu strukturlara Şəmxaninin əmisi oğlu Naci Şəmxani rəhbərlik edir.
