Britaniyada İranda baş verən müharibə səbəbindən yanacaq satışına məhdudiyyətlərin tətbiqi və onun normalaşdırılması müzakirə olunur
1xeber.media xəbər verir ki,bu barədə “The Times” məlumat yayıb.
Britaniyalı nazirlər İranın marşrutu bloklaması nəticəsində Hörmüz boğazında yaranmış böhran fonunda yanacaqdoldurma məntəqələrində yanacağın kvotalaşdırılması planlarını araşdırırlar. Ekspertlər xəbərdarlıq edirlər ki, defisit artıq bir neçə həftədən sonra başlaya bilər.
Yanacaq üzrə Milli Fövqəladə Plan çərçivəsində aşağıdakı tədbirlər nəzərdən keçirilir:
Sıravi sürücülər üçün məhdudiyyət - bir dəfəyə maksimum 15 litr yanacaq;
Təcili xidmətlər, xəstəxanalar və ictimai nəqliyyat üçün prioritet giriş;
Yanacaqdoldurma məntəqələrinin iş vaxtının azaldılması;
Sürət həddinin saatda 50 milədək endirilməsi.
Son vaxtlar benzinin qiyməti litr üçün 10 pens, dizelin qiyməti isə 20 pens bahalaşıb. Hakimiyyət orqanları tədarükün sabit qaldığını vurğulayaraq, əhalini təşvişə düşməməyə çağırır. Vəziyyəti sabitləşdirmək üçün Böyük Britaniya artıq strateji ehtiyatlardan 1,35 milyon barrel neft ayırıb.
