Bəzi kəşfiyyat məlumatlarına əsasən, İranın düşmənləri region ölkələrindən birinin dəstəyi ilə bizim adalarımızdan birini işğal etməyə hazırlaşır.
1xeber.media xəbər verir ki, bunu İran parlamentinin spikeri Məhəmməd Bağır Qalibaf özünün X səhifəsində yazıb.
“Düşmənin bütün hərəkətləri nəzarətimiz altındadır. Əgər hər hansı addım atsalar, həmin ölkənin həyati infrastrukturu limitsiz və fasiləsiz hücumlara məruz qalacaq”, - o bildirib.
Qeyd edək ki, ABŞ-ın İranın Xark adasını ələ keçirmək üçün desant əməliyyatına hazırlaşdığı barədə məlumatlar yayılıb.
