“İsrail ordusu ciddi kadr böhranı ilə üz-üzədir”.
1xeber.media KAN televiziyasına istinadən xəbər verir ki, bu barədə İsrail Baş Qərargah rəisi Eyal Zamir təhlükəsizlik kabinetinin iclasında xəbərdarlıq edib.
Zamir nazirlərə müraciətində bildirib ki, mövcud vəziyyət davam edərsə, ordunun fəaliyyətində ciddi problemlər yarana bilər.
“Daha çox kadr və əsgərə ehtiyacımız var. Əgər bu problemə həll tapılmasa, ordu daxildən çökə bilər”, – deyə o vurğulayıb.
Hazırda İsrail ordusu həm İranla gərginlik fonunda, həm də Livan ərazisində davam edən əməliyyatlar səbəbindən əlavə qüvvələrə ehtiyac duyur.
Hərbi rəhbərlik bildirib ki, xüsusilə Qəzza zolağının bir hissəsində nəzarətin genişlənməsi və Qərb Şəriyədə yeni yaşayış məntəqələrinin təhlükəsizliyinin təmin edilməsi əlavə kadr tələbi yaradır.
Bununla yanaşı, məcburi hərbi xidmət müddətinin uzadılması ilə bağlı qərarın ləğvi də kadr çatışmazlığını daha da dərinləşdirib.
