Çeçenistanda əlverişsiz hava şəraiti səbəbindən fövqəladə vəziyyət elan edilib.
1xeber.media xəbər verir ki, bununla bağlı Çeçenistan rəhbəri Ramzan Kadırov qərar verib.
“Mövcud vəziyyət regional fövqəladə vəziyyət kimi təsnif edilsin və Çeçenistan Respublikası ərazisində fövqəladə vəziyyət rejimi tətbiq olunsun”, - qərarda bildirilib.
Qeyd edək ki, Çeçenistanda 28 martdan bəri güclü yağışlar davam edir. Yağış nəticəsində kəndləri su basıb, yollar dağıdılıb və körpülər zədələnib.
