Gürcüstanın Baş naziri İrakli Kobaxidze ABŞ-nin Dövlət katibi Marko Rubio ilə telefonla danışıb.
1xeber.media xəbər verir ki, bu barədə İrakli Kobaxidze "X" platformasında yazıb.
Hökumət başçısı bildirib ki, Marko Rubio ilə telefon danışığı məhsuldar olub. Söhbət zamanı tərəfdaşlığın yenilənməsinin vacibliyi vurğulanıb.
“ABŞ Dövlət katibi Marko Rubio ilə səmərəli telefon danışığım oldu. Tərəfdaşlığımızın yenilənməsinin və Gürcüstanın Cənubi Qafqazda güclü tərəfdaş kimi rolunun gücləndirilməsinin vacibliyini vurğuladıq. Gürcüstan-ABŞ əlaqələrinin gücləndirilməsinə və regional sabitliyin və əlaqələrin təşviqinə sadiq olduğumuzu bir daha təsdiqləyirik”, - deyə Kobaxidze qeyd edib.
