ABŞ administrasiyası etiraf edir ki, İranla müharibə bitməmiş Hörmüz boğazının açılmasına zəmanət verə bilmir.
1xeber.media xəbər verir ki,CNN-ə istinadən yayılan məlumatlara görə, Vaşinqton üçün qlobal enerji bazarını sabitləşdirmək baxımından bu strateji marşrutun bərpası vacib hədəf olaraq qalır.
Lakin ABŞ rəsmiləri bildirirlər ki, boğazın tam şəkildə yenidən açılması mürəkkəb hərbi-logistik prosesdir və bu, həftələr, hətta aylar çəkə bilər.
Bu isə administrasiyanın İranla müharibəni daha qısa müddətdə başa çatdırmaq planları ilə ziddiyyət təşkil edir.
Eyni zamanda Ağ Ev nümayəndələri vurğulayıb ki, Hörmüz boğazının açılması əsas prioritetlər siyahısına daxil deyil - əsas məqsədlər İranın hərbi potensialının zəiflədilməsi və nüvə proqramının qarşısının alınmasıdır.
Xatırladaq ki, dünya neft tədarükünün təxminən 20%-i məhz Hörmüz boğazından keçir və onun bağlanması qlobal enerji bazarına ciddi təsir göstərir.
