Yaşa, əlilliyə, ailə başçısını itirməyə görə pensiya, istənilən növ müavinət, təqaüd alan şəxslər, sosial yardım alan ailələr, Vətən müharibəsi iştirakçıları və şəhid ailələrinə endirimlərdən faydalanma fürsəti yaradılıb.
Sadalanan ödəniş növlərini alanlar kartdakı pulu bankomatdan çıxarmadan endirim təklif edən mağaza, market və aptekdə alış-veriş edib, restoran və klinikaların xidmətlərindən yararlanıb nağdsız qaydada ödəniş etsələr, bu fürsətdən faydalana bilərlər. Endirim yalnız nağdsız qaydada sosial ödəniş kartı ilə edildikdə tətbiq olunur.
Çoxsaylı endirimlər təklif edən şirkətlərlə www.sosialterefdash.az saytına daxil olaraq, "Partnyorlar" bölməsində tanış olmaq mümkündür.
"Bazarstore" və "Al market" sosial ödəniş alan şəxslərə alış-veriş zamanı endirimlər təklif edir. Bakıda, eləcə də regionlarda fəaliyyət göstərən bu marketlər şəbəkəsindən bazarlıq edib ödənişi pensiya, sosial yardım, müavinət və ya təqaüd aldığınız kartla nağdsız qaydada etsəniz, sizə yerindəcə endirim tətbiq olunacaq.
Bakıda və Gəncədə fəaliyyət göstərən "Coffeemania"nın da sosial ödəniş alanlara endirimləri var. Burada sosial ödəniş alanlara dönər, lahmacun, pizza, burgerlər, salatlar, desertlər və içkilər endirimli qiymətlərlə təklif edilir. Sosial ödəniş alanlara endirim təklif edən şirkətlər sırasında "Second cup" və "Cofeebar"ın da adına rast gəlmək mümkündür.
Yolunuzu bu məkanlardan salıb təklif olunan endirimlərdən faydalana bilərsiniz. Sizə endirim tətbiq olunması üçün xidmətlərdən istifadə etdikdən sonra hesabı mütləq sosial ödəniş kartı ilə nağdsız qaydada ödəyin! Bunu unutmayın!
Sosial ödəniş kartınızdakı pulu başqa karta köçürdükdə və ya nağd ödəniş etdikdə endirimlərdən faydalana bilməzsiniz. Unutmayın ki, endirimlər yalnız sosial ödəniş kartları ilə nağdsız qaydada ödəniş etdikdə tətbiq olunur.
Qeyd edək ki, bu günədək sosial ödəniş alan şəxslər tərəfdaş şirkətlərdən nağdsız qaydada, yəni sosial ödəniş kartları vasitəsilə 950 mindən çox alış-veriş edib, təklif olunan endirimlərdən faydalanıblar.
Çoxsaylı endirimlər təklif edən digər şirkətlərlə www.sosialterefdash.az saytına daxil olaraq, "Partnyorlar" bölməsində tanış olmaq mümkündür.
