Aprelin 10-da Lənkəran Şəhər İcra Hakimiyyətinin (ŞİH) başçısı Taleh Qaraşov Vətən müharibəsi I qrup əlili Əhmədov Xəyyam Hidayət oğlunu qəbul edib.
1xeber.media xəbər verir ki,İcra başçısı dövlət başçısı cənab İlham Əliyevin xüsusi göstərişinə uyğun olaraq şəhid ailələri və müharibə əlillərinə xüsusi qayğı ilə yanaşıldığını, Lənkəran ŞİH-nin də gündəlik fəaliyyət istiqaməti kimi həsas təbəqədən olan vətəndaşların qayğı və problemlərini diqqətdə saxladığını bildirib.
Taleh Qaraşov Vətən müharibəsi I qrup əlilinin qayğı və problemləri ilə maraqlanıb, övladının toy məclisində iştirakla bağlı dəvətinə görə ona təşəkkür edib.
Xəyyam Əhmədov da dövlətin onlara göstərdiyi xüsusi yanaşmaya görə cənab Prezident İlham Əliyevə və Birinci vitse-prezident Mehriban xanım Əliyevaya minnədarlığını vurğulayıb və onlara təşəkkür edib.
Qeyd edək ki, Xəyyam Əhmədovun müalicəsi Müdafiə Nazirliyinin Baş Klinik Hospitalında, Yeni Kilinikada və“YAŞAT”Fondu tərəfindən Turkiyədə həyata keçirilib, dövlət tərəfindən qayğı çərçivəsində minik avtomobili və 3 otaqlı mənzillə təmin olunub.
Lənkəran ŞİH tərəfindən də Xəyyam Əhmədova maddi yardım göstərilmişdir.
