İran və ABŞ arasında birbaşa danışıqların yeni raundu aprelin 16-da İslamabadda keçiriləcək.
1xeber.media xəbər verir ki, bu barədə “The Atlantic”in yazıçısı Araş Əzizi özünün “X” sosial media hesabında məlumat verib.
“Tehrandakı mənbə mənə dedi ki, İran və ABŞ arasında birbaşa danışıqların növbəti raundu cümə axşamı İslamabadda baş tutacaq”, - o yazıb.
***
“Associated Press”in məlumatına görə, ABŞ və İran arasında davam edən gərginlik fonunda tərəflərin danışıqların ikinci mərhələsinə keçə biləcəyi bildirilir.
Məlumata görə, vasitəçi ölkələrdən birinin diplomatı artıq Tehran və Vaşinqtonun bu mərhələyə prinsipial razılıq verdiyini bildirib.
Rəsmilər danışıqların harada keçiriləcəyinin hələ müəyyənləşmədiyini qeyd ediblər. İslamabad yenidən əsas namizədlərdən biri kimi nəzərdən keçirilir. Bununla yanaşı, Cenevrə variantı da gündəmdədir.
Mənbələr görüşlərin hətta yaxın günlərdə - cümə axşamı baş tuta biləcəyini istisna etmirlər.
Qeyd edək ki, ABŞ Prezidenti Donald Tramp jurnalistlərə açıqlamasında qarşı tərəfin əlaqə saxladığını və razılaşma əldə etmək istədiyini bildirib.
