Vyetnam Kommunist Partiyası Mərkəzi Komitəsinin Baş katibi, Prezident To Lamın Çinə dövlət səfəri başlayıb.
1xeber.media xəbər verir ki, bu, To Lamın aprelin 7-də Vyetnam Prezidenti seçilməsindən sonra ilk xarici səfəridir.
Aprelin 17-dək davam edəcək səfər çərçivəsində Çinin rəhbər şəxsləri ilə əməkdaşlıq məsələləri müzakirə olunacaq.
Qeyd edək ki, Hərtərəfli Strateji Tərəfdaş olan Çin ilə Vyetnam arasında siyasi, iqtisadi-ticari, təhlükəsizlik sahələrində sıx əməkdaşlıq var. Ötən il 2 ölkə arasında ticarət dövriyyəsinin məbləği 290 milyard ABŞ dollar olub. Çin Vyetnamın birinci, Vyetnam isə Çinin 4-cü ticarət tərəfdaşıdır. Bundan başqa, Çin Vyetnamın kənd təsərrüfatı və balıqçılıq məhsullarının əsas ixrac bazarıdır.
Tərəflər bu yaxınlarda xarici işlər, müdafiə və daxili işlər nazirlərinin "3+3" dialoq platformasını işə salıb.
