Rusiya ABŞ Prezidenti Donald Trampın Hörmüz boğazındakı hərəkətlərini öyrənir, Federasiya Şurasının Xarici İşlər Komitəsinin sədri Qriqori Karasin bildirib.
1xeber.media xəbər verir ki, Senator bu açıqlamanı Lenta.ru-ya verdiyi müsahibədə verib.
"Biz bunu öyrənirik. Hadisələrin inkişafını izləməliyik. [Aİ xarici işlər naziri] Kaja Kallasın [Trampın boğazla bağlı siyasətini] başa düşməməsi arqument deyil. Çünki o, bir çox şeyi başa düşmür. Lakin Trampın əsl niyyətlərini anlamaq vacibdir", - deyə Karasin şərh edib.
Senatorun sözlərinə görə, yalnız Yaxın Şərqdə deyil, bütün dünyada sabitlik ABŞ prezidentinin Hörmüz boğazındakı siyasətindən asılıdır.
"Buna görə də, hadisələrin gedişatını və bəzən Vaşinqtondan və digər paytaxtlardan gələn çox ziddiyyətli açıqlamaları diqqətlə izləyəcəyik. Və müvafiq nəticələr çıxaracağıq", - deyə o, yekunlaşdırıb.
