Fransa Prezidenti Emmanuel Makron ABŞ və İranı İslamabadda danışıqları bərpa etməyə çağırdı.
1xeber.media xəbər verir ki, o, bu barədə özünün X sosial media səhifəsində məlumat verib.
“Dünən İran Prezidenti Məsud Pezeşkian və ABŞ Prezidenti Donald Trampla danışdım. İslamabadda dayandırılmış danışıqların bərpa olunmasına, anlaşılmazlıqların həllinə və daha da gərginləşmənin qarşısını almağa çağırdım”, - deyə paylaşımda bildirilir.
Makron həmçinin Livan da daxil olmaqla atəşkəsə riayət olunmasına, Hörmüz boğazının açılmasına, tariflərin və digər məhdudiyyətlərin aradan qaldırılmasına çağırıb.
“Bu şərtlər daxilində danışıqlar əsas maraqlı tərəflərin dəstəyi ilə tez bir zamanda bərpa olunmalıdır”, - deyə o vurğulayıb.
Əvvəllər bildirilirdi ki, ABŞ və İran bu həftənin sonu və ya gələn həftənin əvvəlində İslamabadda yeni danışıqlar raundu keçirə bilərlər.
