Ödənişli yollarda sürət həddi müəyyənləşdirilib.
1xeber.media xəbər verir ki, bu, Prezident İlham Əliyevin imzaladığı “Yol hərəkəti haqqında” Qanuna dəyişiklikdə öz əksini tapıb.
Qanuna əsasən, ödənişli avtomagistrallarda sürət həddinin ayrıca tənzimlənməsi məqsədilə yaşayış məntəqələrindən kənarda minik avtomobilləri və icazə verilmiş maksimum kütləsi 3,5 tondan artıq olmayan yük avtomobilləri üçün sürət həddinin saatda 130 kilometrdən, digər avtobuslar, yedəyində qoşqu aparan minik avtomobilləri, icazə verilən maksimum kütləsi 3,5 tondan artıq olan yük avtomobilləri üçün isə saatda 90 kilometrdən çox olmayan həddə müəyyən edilir.
