Toqo, Afrikanı real ölçüsündən daha kiçik göstərən təhrif olunmuş dünya xəritəsindən imtina etmək üçün BMT-yə təzyiq göstərir.
Xarici işlər naziri Robert Dussey BMT-yə üzv dövlətləri Merkator xəritəsini Afrikanı olduğundan kiçik göstərən deyil, real ölçüləri əks etdirən "Equal Earth" (Bərabər Yer) proyeksiyası ilə əvəz etməyə çağırıb. Təşəbbüsün məqsədi Afrikanın həqiqi ölçülərini nümayiş etdirmək və qlobal qavrayışı formalaşdıran uzunmüddətli təhrifləri aradan qaldırmaqdır.
Bu təklif Afrikanın qlobal arenada siyasi və coğrafi əhəmiyyətinin düzgün qiymətləndirilməsi amili kimi önə çıxır. Nazir qeyd edib ki, mövcud xəritələr qitənin geosiyasi çəkisini vizual olaraq azaldır və bu ədalətsiz yanaşma dəyişdirilməlidir.
