1xeber.media xəbər verir ki, Belarus və İran prezidentləri Aleksandr Lukaşenko və Məsud Pezeşkyan aprelin 30-da telefon danışığı aparıblar.
Liderlərin danışıqlarının İran tərəfinin təşəbbüsü ilə baş tutduğu bildirilir. Pezeşkyan Lukaşenkoya Yaxın Şərqdəki vəziyyət barədə məlumat verib və həmçinin Tehranın Vaşinqtonla danışıqlarda rəsmi mövqeyini açıqlayıb. O bildirib ki, etimadsızlıq münaqişənin sülh yolu ilə həllinə mane olan amildir.
"Belarus lideri ölkəmizin münaqişənin tez bir zamanda həllində maraqlı olduğunu vurğulayıb. Öz növbəsində İran prezidenti Aleksandr Lukaşenkoya prinsipial və ardıcıl mövqeyinə görə təşəkkür edib", - deyə nəşr bildirir.
