Amerika Birləşmiş Ştatları Kuba hakimiyyəti Vaşinqtonun zəruri hesab etdiyi bir sıra siyasi və iqtisadi islahatları həyata keçirənə qədər respublikaya qarşı tədbirlər görməyə davam edəcək.
1xeber.media xəbər verir ki, bunu ABŞ dövlət katibi Marko Rubio bəyan edib.
“Rejim bütün zəruri siyasi və iqtisadi islahatları həyata keçirənə qədər tədbirlər görməyə davam edəcəyik”, -deyə Rubio “X” sosial şəbəkə hesabında yazıb.
Dövlət katibinin sözlərinə görə, Vaşinqton hələ də hesab edir ki, müasir Kuba regionda ABŞ-nin milli təhlükəsizliyi üçün təhdid yaradır.
Mayın 7-də ABŞ Amerika hökumətinin fikrincə Kuba iqtisadiyyatının təxminən 40 faizinə nəzarət edən GAESA konqlomeratına, həmçinin bu təşkilatın rəhbərinə və ada dövlətində nikel hasilatı ilə məşğul olan birgə müəssisəyə qarşı sanksiyalar tətbiq edib. Məhdudiyyətlər ABŞ prezidenti Donald Trump tərəfindən mayın 1-də imzalanmış və Kubaya qarşı birtərəfli sanksiyalar rejiminin kəskin şəkildə sərtləşdirilməsini nəzərdə tutan fərman əsasında tətbiq olunur.
