1xeber.media xəbər verir ki,görüşdə Azərbaycan Respublikası Prezidentinin 25 may 2026-cı il tarixli Sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nın əsas məqsəd və prioritet istiqamətləri, kənd təsərrüfatı məhsullarının istehsalı və emalının inkişaf etdirilməsi, ərzaq təhlükəsizliyinin gücləndirilməsi, məhsuldarlığın artırılması, müasir texnologiyaların tətbiqi, su və torpaq ehtiyatlarından səmərəli istifadə, eləcə də fermer və sahibkarlara göstərilən dövlət dəstəyi mexanizmləri barədə ətraflı məlumat verilib.
Bildirilib ki, Dövlət Proqramının həyata keçirilməsi aqrar sahənin dayanıqlı inkişafına, kənd təsərrüfatında rəqabət qabiliyyətliliyin artırılmasına, ixrac potensialının genişləndirilməsinə və kənd yerlərində məşğulluğun yüksəldilməsinə mühüm töhfə verəcəkdir.
Görüş zamanı ölkə başçısının aqrar sahənin inkişafı ilə bağlı çağırışları fermer və sahibkarların diqqətinə çatdırılmışdır. Kürdəmirli fermer və sahibkarlar da bu çağırışa qoşularaq, kənd təsərrüfatının dayanıqlı inkişafı və ərzaq təhlükəsizliyinin gücləndirilməsi istiqamətində üzərlərinə düşən vəzifələrin icrasında fəal olacaqlarını bildirmişlər.
